الصناعة في القرآن والسنة

مؤلفات

صحافة بالمزاج
بتكسر ف الأمل
 والفتك ف المهنة 
مروش وملبوس
بيدق زار ف النهار
وساعات بيبقي ملحوس 
بيطفي نور الكلمة

   وسط فدانين سوس

 يا ميت خسارة   
بيتحكم  ف الحقيقة
 حبة تيوس

الناس الحثالة

بتشتم بالفلوس

وتمدح بالفلوس

حاجة أخر قباحة

الأعراض مستباحة

 والفضايح بتتقابل

تحضن ف  الكدب وتبوس 

يا غربان هش هش
المقال كله غش

والنصاب  طاووس

آه  ع الشريف يا بلد

فيكي مقتول ومبخوس

وكله داير بالفلوس

***

 القلم ما فهش حبر
حشينه سم

الحكاية ضرب  نار

 والزناد  ف أيد جاموس

الأفكار للإيجار

حط نقطة وشد قوس

اللسان بالزبط طبلة

   سليط  ومنجوس

بين الحروف مخالب

 سكينة بسن   موس

بتقطع ف الوشوش
 الخبر ع الورق  كابوس
والصحفي زي شخشيخة

يروح شمال ويرجع  يمين

بينفخ بالضلال

ف وش الشقيانين

القلب بالسواد متروس

الإلعبان مادام ح يقبض

ح يبيع زي الجاسوس

وكله  دايربالفلوس

***

كل يوم أخبار غريبة

تقدر تقول  زي اللبوس

وحظك أن ودنك

ف أيدين حبة لصوص

 والكدب حجر وداير

زي ساقية فوق قدوس

 وأنت الضحية يا وطن

فوق كل سطر

ميت لئيم  طالع يدوس
في النص والتحقيق

عهر الصحافة تلفيق

بالليل تحبل العجوزة

والصبح تلمع الديوس

ماهي ماشية بالأونطة

وكله داير بالفلوس

***