الصناعة في القرآن والسنة

ورب العزة والملكوت
الشهيد  حيّ مش بيموت
روحه وسط السما نور
بتقول العمر واحد
ع الجبين مكتوب ومثبوت
 أنا دمي مهر الكنانة
ح أوهبه يهزم الغدر
يحطم الجبروت
مش ح أسكت عن الحق
وقت الجد

 ملعون أبو السكوت
يا فجر النهار هِل
مستنينك تزيح الغُمة
ترمي السلام  وتفوت

***

مهما  أيادي الغدر   تكبر
ح نقطعها لو تتمد
مش ح نطاطي  
بعزمنا ح نزرع كرامة
بجيشك ح نبني ميت سد 
ونحوش لعنة الأرهاب
ح نتوحد بجد وجد
عادتنا ساعة المحن
كما الحديد ننشد
يامصر خطي
أفتحي بيبان النصر
ضربتك ع المفتري
لا بتنصد ولا بتترد

***

 شبابك الأخضر ضحكة
والحب عنقود علي عنقود
عودك الدهبي سنابل قمح
غطيانك جناين ورود
بس ابن الحرام واقف
يقلع زرعك قبل الحصاد
بيحرق خضار البلاد
ويفرقع بارود
ولايهمك
جنبك شباب يافع
الكل ح يدافع
 ويحمي الحدود
 صوت النشامى
بيقولوا كلنا  جنود
الكل عارف
ومن قبل خوفو
أنك زينة الوجود
يا أم العساكر  حمام
هشي ف غربانك السود
أحمس غسل أرضك من الدم
قومي هدى  جبال الهم
 مجدك لازم يسود

***

طول العمر صابره
يا أم الرجال بسملي
خطي فوق الصعب وكملي
ح تفرحي أكتر ماكنتي
وحياة ترابك ونيلك
نجومك ح تغسل  مدينتي
بناتك  همه عزوتي

وصبيانك فرحتي
وشموسك  ولاد بنتي
أعبري فوق ضهري
أنا نهارك أنا أنتي
أنا حمالك أنا ترحالك
وجوه حضنك
 مجداف سفنتي

***

الأرهاب فدادين فقر
مزروعة غربان
كل غراب راسه حنضل
تكدر صفو الزمان
الفساد دود
بياكل ف جته صاحية
 بس الأمل  فوق حصانه
ح يحرق كل الديدان
ح يطهر غطيانك
عشان أرضك تنبت براءة
 والأناشيد فوق الشجر
تهتف أنا إنسان
قوم أتحني ياوطن
حنتك ف زفتك ألحان
وبكره أحلي
ح يطلع  بصحبة الشموسة
وينور بضحكة العرسان

***